Warning: sprintf(): Too few arguments in /home/rtv21new/public_html/wp-content/themes/newsphere-pro/lib/breadcrumb-trail/inc/breadcrumbs.php on line 254

​Ademi: Kosova vend i vogël, por me kampion të mëdhenj

1 min read

Tokyo 2020 Olympics - Judo - Women's 48kg - Semifinal - Nippon Budokan - Tokyo, Japan - July 24, 2021. Distria Krasniqi of Kosovo reacts after winning REUTERS/Hannah Mckay

Presidenti i Federatës së Futbollit të Kosovës, Agim Ademi, ka uruar xhudisten Distria Krasniqi për suksesin e radhës që ia solli vendit të saj.

Krasniqi arriti që në ditën e parë në Lojërat Olimpike “Tokio 2020” të sigurojë medaljen e artë, pasi që në finale e mposhti xhudisten japoneze Funa Tonaki.

“Kosova vend i vogël, por me kampion të mëdhenj! Urime medalja e artë olimpike Distria Krasniqi. Suksesi i juaj madhështor në Olimpiadën e Tokios na bën krenar të gjithëve dhe u jep motiv gjeneratave të reja për t’i ndjekur deri në fund ëndrrat e tyre. Urime edhe trajnerit dhe punëtorit të palodhshëm Driton Kuka, drejtuesve të Federatës së Xhudos dhe drejtuesve të Komitetit Olimpik të Kosovës. Shpresoj që edhe në ditët e ardhshme sportistët tanë të arrijnë suksese tjera në Tokio”, ka shkruar Ademi në Facebook.

Kjo është medalja e dytë e artë olimpike për shtetin e Kosovës, ku të parën e kishte siguruar xhudistja Majlinda Kelmendi në Lojërat Olimpike “Rio 2016”.