Ambasadori i Italisë në Kosovë, Nicola Orlando është takuar kandidatin për kryeministër nga Lëvizja Vetëvendosje, Albin Kurtin.

Orlando e ka uruar Vetëvendosjen për zgjedhjet e parakohshme parlamentare të 14 shkurtit.

Në Twitter ambasadori ka treguar se në takim u diskutua për hapat e ardhshëm dhe se ka inkurajuar Kurtin për formimin e shpejtë Qeverisë së re.

“Në një takim miqësor i urova Albin Kurti fitoren e Lëvizjes Vetëvendosje në zgjedhje. Ne diskutuam hapat e ardhshëm ndërsa inkurajova formimin e shpejtë të Qeverisë së re. Unë e sigurova atë se #Italia do të vazhdojë të mbështesë #Kosovën në reformat, dialogun dhe integrimin Euro-Atlantik”, ka shkruar Orlando./21Media