Superliga është duke u shkatërruar në më pak se 48 orë pas themelimit të saj, pasi Barcelona nuk do ta ratifikojë atë pa u bërë e qartë nga anëtarët e Asamblesë, ndërsa Chelsea dhe Manchester City po tërhiqen tashmë.

Ka edhe sugjerime nga Ben Jacobs dhe të tjerët që edhe Atletico Madridi janë të gatshëm të rishikojnë vendimin e tyre.

Marrëveshja u konfirmua vetëm të dielën në mbrëmje në mesnatën në Evropën kontinentale, përcjell KosovaPress.

Tani ka raporte të shumta nga Britania, përfshirë “The Times”, “The Telegraph”, “The Sun” dhe “The Athletic”, që dyshja Chelsea dhe Manchester City kanë vendosur të tërhiqen nga angazhimi i tyre në këtë garë.

Sipas “TV3 Catalunya”, Presidenti i Barcelonës Joan Laporta siguroi se ai nuk do të ratifikojë aderimin e tyre në Superligë derisa të mos jetë bërë e qartë nga Asambleja e tyre.

Është shumë, shumë e vështirë që ata të votojnë në favor të asaj që duket se është përshëndetur me negativitet universal nga tifozët, trajnerët dhe lojtarët e 12 klubeve themeluese.

Klubet themeluese janë Juventusi, Interi, Milani, Real Madridi, Barcelona, Atletico Madrid, Manchester United, Manchester City, Chelsea, Arsenal, Tottenham dhe Liverpool.