​Astrit Ademaj varroset nesër

Kandidati i PDK-së për kryetar të Pejës, Astrit Ademaj që u vra mbrëmë do të varroset të nesër në ora 14:00 në varrezat e fshatit Katundi i Ri në Pejë.
Kështu ka bërë të ditur Artton Muhaxheri, bashkëpunëtor i ngushtë i të ndjerit përmes një postimi në Facebook.
“Ju njoftoj se nesër më datë 10.9.2021, ne ora 14:00, behet varrimi i të dashurit tonë, ASTRIT (REXHEP) ADEMAJ. Varrimi bëhet në varrezat e Katundit te Ri, në Pejë! Shpirti i tij drite paste!”, ka njoftuar Muhaxheri.

Astrit Ademaj dhe Blerand Kadrijaj, të dy zyrtarë të lartë të Partisë Demokratike të Kosovës, u vranë mbrëmë në afërsi të shkollës ekonomike “Ali Hadri” në Pejë. I dyshuari që është në mbajtje është vëllai i të ndjerit Astrit Ademaj./21Media