​Burnley fitoi ndaj Leicesterit

​Burnley fitoi ndaj Leicesterit

Futbollistët e Burnleyt sot shënuan fitore të rëndësishme në përballje me ekipin e tretë në tabelë të Premier Ligës, skuadrën Leicester Cityt me rezultat 2:1, në kuadër të javës 23-të.

Mysafirët erdhën të parët në epërsi me golin e Barnes në minutën e 33-të, por kjo ishte e tëra që ata mundën të bëjnë.

Skuadra vendëse në vazhdim të ndeshjes u rikthye në lojë me dy gola që i siguruan tri pikë të mëdha për të mbetur në ligën më të fortë angleze në futboll.

Wood barazoi shifrat në minutën 56, ndërsa golin e fitores ekipit të tij ia siguroi Weswood në minutën 79-të.

Në këtë mënyrë Burnley erdhi deri te fitorja e tetë në kampionat dhe  renditet në pozitën 14-të me 27 pikë.

Leicester City, që deri vonë ishte në hap me Liverpool për kreun e tabelës, pësoi humbjen e gjashtë në këtë sezon dhe mbetet i treti në tabelë me 45 pikë.