Ish ylli i Real Madrid, Iker Casillas shpjegon pse ai ishte keqkuptuar nga tifozët e Milanit, por këmbëngul se Gigio Donnarumma duhet të bashkohet me një klub më të madh.

Ish-lojtari i Spanjës kishte pretenduar se portieri i Milanit duhet të luante për një klub me më shumë traditë dhe kjo ngjalli shumë reagime tek tifozët kuq e zi, por më pas ka sqaruar mendimin e tij.

“Sipas mendimit tim, Donnarumma duhet të kishte luajtur për një klub me më shumë traditë. Gabimi im”, shkroi Casillas në Twitter pas fitores 2-0 të Milanit ndaj Torinos të Shtunën.

“Milani ka një traditë. Po i referohem një klubi që ka më shumë ndikim në Evropë tani. Natën e mirë të gjithëve !! Shihemi nesër. Ndoshta…”, shkroi Casillas në Twitter.

Vetëm Real Madridi ka fituar më shumë trofe të Ligës së Kampionëve se Milani. “Rossonerët” aktualisht janë liderët e tabelës në Serie A dhe Donnarumma ka mbajtur portën e paprekur në gjashtë ndeshje në këtë edicion.