Matthijs de Ligt ka respekt për Fiorentinën, por siguron që Juventusi tani ka një ide të qartë se si duam të luajmë futboll.

“Unë pres një lojë të vështirë, pasi Fiorentina ka lojtarë të një cilësie të mirëfilltë dhe gjithmonë e bëjnë të vështirë”, tha De Ligt për “JTV.”

“Ne jemi në gjendje të mirë, po përmirësohemi çdo ndeshje dhe kjo është e rëndësishme për të ndërtuar vrullin”.

“Bianconerët” kanë fituar nëntë nga 12 ndeshjet e tyre të fundit në të gjitha garat, me përjashtim të barazimeve 1-1 me Lazion, Beneventon dhe Atalantan.

“Ne jemi duke u përmirësuar në shumë fusha, si sulmuese ashtu edhe mbrojtëse. Ne kemi një ide të qartë se si duam të luajmë futboll”.