​Deputeti i AAK-së paralajmëron ngritjen e memorialit për vëllezërit Bytyqi në Prishtinë

 

Deputeti i Aleancës për Ardhmërinë e Kosovës (AAK), Gazmend Syla ka nisur iniciativën për ngritjen e memorialit për nder të vëllezërve Bytyqi në qendër të Prishtinës.

Ai në një postim në Facebook ka falënderuar Daut Haradinaj dhe bashkëluftëtarët për mundësinë e dhënë për ngritjen e këtij memoriali.

Agron, Yll dhe Mehmet Bytyçi erdhën nga SHBA për t’iu bashkuar Ushtrisë Çlirimtare të Kosovës. Ata janë vrarë në vitin 1999, pasi paraprakisht u patën arrestuar nga autoritetet serbe.