Gjermania do të heqë testet e detyrueshme të koronavirusit për udhëtarët që kthehen nga zonat me rrezik të lartë jashtë vendit dhe do të përqendrohet në testimin e njerëzve me simptoma ose ata që kanë qenë në kontakt me COVID-19, tha ministri i Shëndetësisë, Jens Spann.

Ai tha se gjatë pushimeve verore, numri i testeve në Gjermani pothuajse u dyfishua në 900,000 në javë, pjesërisht për të identifikuar njerëzit që kishin kontraktuar sëmundjen jashtë vendit.

Deri më tani, njerëzit që kthehen nga zonat me rrezikshmëri të lartë epidemiologjike u është lejuar testime falas në vendkalimet kufitare gjermane për të shmangur një karantinë të detyrueshme dy javore nëse dalin negativë.

Udhëtarët që kthehen nga zonat me rrezik të lartë, që përfshijnë shumicën e vendeve jashtë Bashkimit Evropian dhe disa rajone brenda tij, në të ardhmen do të duhet të shkojnë në karantinë të detyrueshme nëse kërkohet nga një mjek.

Ministri Span nuk tha kur strategjia e testimit do të ndryshojë, por vendimi ka të ngjarë të merret nesër në një takim midis kancelarit Angela Merkel dhe guvernatorëve të të gjitha 16 provincave.