Kryetari i Aleancës për Ardhmërinë e Kosovës, Ramush Haradinaj, u ka bërë thirrje shqiptarëve që të dalin të votojnë për listën shqiptare në zgjedhjet e sotme parlamentare në Mal të Zi.

Ai ka thënë se vota e shqiptarëve atje është përcaktuese për politikën e Malit të Zi.

Janë orët e fundit para se të mbyllen vendvotimet në Malin e Zi. Është e rëndësishme për interesat tona kombëtare që vota shqiptare të hedhet në kutitë e votimit. Sot, ju vendosni jo vetëm për fatin tuaj, por edhe përcaktimin e politikës së Malit të Zi në katër vitet e ardhshme“, ka shkruar Haradinaj në Facebook.