​Latifi në SHBA kërkon mbështetje për qendrat e ekselencës

​Ministri i Shëndetësisë në Kosovë, Rifat Latifi, ka shpalosur planin e tij të transformimit të Shëndetësisë së Kosovës në Valhalla- Nju York, në konferencën shkencore të 19-të vjetore Louis R.M. Del Guercio – si Profesor Vizitues dhe i Shquar i Hulumtimeve shkencore, ku më parë Latifi ishte kryeshef i Departmenentit të Kirugjisë, thuhet në komunikatën nga Ministria e Shëndetësisë.
​Në këtë konferencë, ministri Latifi, mbajti ligjeratën kryesore të këtij takimi vjetor shkencor me titull: Zbutja e pabarazisë shëndetësore dhe transformimi i shëndetësisë së Kosovës, përmes Qendrave Klinike të Ekselencës, nga këndvështrimi i kirurgut të traumës, dhe Kryeshefit të Kirurgjisë, dhe tash Ministër i Shëndetësisë së Kosovës.
​Gjatë këtij prezantimi, ministri Latifi, foli për sfidat e rindërtimit të sistemit shëndetësor të një vendi në tranzicion. Ai tha para të pranishmëve se “ri-ndërtimi i shëndetësisë së Kosovës duhet të bëhet në bazë të dhënave shkencore dhe kërkesave klinike si dhe në bazë të gjetjeve studimore, analizave të shumta të bëra nga agjenci të ndryshme studimi, përfshirës edhe ato ndërkombëtare”, duke përfshirë edhe studimin e iniciuar nga vet ministri Latifi me lidershipin e shëndetësisë në Kosovë.
Tutje në komunikatë thuhet se të pranishmit në këtë konferencë treguan interes për shpalosjen para tyre të përvojës si ministër i Shëndetësisë së Kosovës dhe planinifikimin për rindërtimin e një sistemi shëndetësor të bazuar në shtatë shtylla dhe 13 qendra të Ekselencës.
​Ministri Latifi, me këtë rast, është takuar edhe me Profesorin e Touro University, Dr. Salomon Amar, ku të dy biseduan për bashkëpunimin e dy vendeve në fusha të ndryshme shkencore dhe mjekësore, si dhe çështje të tjera të bashkëpunimit midis Kosovës dhe Universitetit Toro, duke involvuar edhe kompanitë bio-teknologjike të Izraelit dhe institucionet e tjera.
​Ministri Latifi, në kuadër të kësaj vizite të parë zyrtare në SHBA, do të viztojë të hënën më 9 maj spitalin Ushtarak Walter Reed dhe Qendrën e Simulimit të Armatës Amerikane në Uashington.
​Po ashtu, ai do të marr pjesë edhe në darkën për festimin e punëtorëve shëndetësor, të organizuar nga “Project Hope”.
​Më pas ministri Latifi, do të udhëtojë për në Universitetin e Arizonën, ku do të takohet me udhëheqësit e Kolegjit të Mjekësisë dhe Sistemit Spitalor “Banner Health”.
​Të gjitha këto takime, do të bëhen me qëllim të kërkimit të bashkëpunimit për implementim e Qendrave të Ekselencës, të parapara me programin gjithpërfshirës të transformimit të sistemit shëndetësor të Kosovës.
“​Të gjitha takimet dhe vizitat janë planifikuar në bazë të objektivave paraprake dhe në kërkim të partneritetit të domosdoshëm me institucionet amerikane për të vetmen arsye- ngritjen dhe zhvillimin e sistemit shëndetësor të Kosovës”, thuhet në komunikatën e MSH-së./21Media

Back to top button