​Limaj premton investime milionëshe

Sipas Limajt secila familje do ta ketë nga një të punësuar

Kryetari i Nismës për Kosovë, Fatmir Limaj së bashku me kandidatët për deputetë Bilall Sherifi, Haxhi Shala, Enver Hoti dhe kryetari i Komunës së Malishevës, Ragip Begaj, kanë mbajtur një takim me simpatizantë dhe përkrahësit e Nismës në Banjë të Malishevës, ku Limaj shpalosi programin e partisë që e drejton dhe theksin kryesor e vendosi në punësim, bujqësi, shëndetësi dhe arsim.

Ai tha se me qeverisjen e tyre, veprimi i parë që do të bëjnë është që çdo familje të ketë një të punësuar.

“Në Kosovë ka ndodh një pabarazi e madhe këto vite dhe këtë pabarazi duhet me ndal dhe diku duhet me ia nis. Dhe Nisma për Kosovën ka vendos në programin e saj dhe veprimi i parë i saj është që më në Kosovë asnjë familje nuk guxon me mbetet pa së paku një të punësuar. Këtu fillon largimi i pabarazisë. Ne do të punojmë për të pasur edhe më shumë se kaq, ama diku huhet me fillua me hjek këtë pabarazi që është në Kosovë”, tha ai.

Sipas tij, e vetmja mënyrë për të zhvilluar vendin është bujqësia, ku ai premtoi 400 milionë euro investime në bujqësi.

Artikuj të ngjashëm

Back to top button
close button