Në seancën që po mbahen në Dhomat e Specializuara në Hagë, ndaj kryetarit të Organizatës së Veteranëve të Luftës së UÇK-së, Hysni Gucati, mbrojtja ka kërkuar nga gjykatësi lirimin e tij me kusht, derisa procesi është pezull dhe nuk ka aktakuzë të ngritur ndaj tij.

“Është çështja e lirimit me kusht. Prokurorisë i është dhënë kohë t’i përgjigjet kundërshtimeve me shkrim për ligjshmërinë e arrestimit, ndërkohë Gucati është në paraburgim e pret përgjigjen e prokurorisë. Kërkoj nga ju i nderuari Gjykatës të merrni parasysh mundësinë e dhënies së lirimit me kusht për të”, tha ai.

Për këtë ai kishte bërë paraprakisht edhe shkresë me shkrim.