Në kuadër të muajit kundër kancerit të gjirit, ndërtesa e Kuvendit të Kosovës sonte është ndriçuar me ngjyrë rozë, në shenjë solidarizimi me nënat, gratë dhe vajzat të cilat përballen me kancerin e gjirit.

Kryetarja e Kuvendit,  Vjosa Osmani me këtë rast ka kërkuar nga institucionet përgjegjëse t’i shtojnë kapacitetet për diagnostikim dhe trajtim të kancerit të gjirit, duke thënë se detektimi i hershëm shpëton jetë.

“Për t’i kujtuar ato që na lanë dhe për t’i inkurajuar edhe më tej ato që ngadhënjyen në këtë sfidë. Rrëfimi i tyre duhet të jetë mësimi më i mirë për rëndësinë e diagnostikimit të hershëm. Kanceri i gjirit është një nga sëmundjet më të shpeshta te gratë, andaj është jetike të rritet vetëdija qytetare dhe të praktikohet kontrolli te mjeku. Njëkohësisht, institucionet përgjegjëse duhet t’i rrisin kapacitetet për diagnostikim dhe trajtim të sëmundjes. Detektimi i hershëm shpëton jetë”, ka shkruar Osmani në Facebook./21Media

Sot, në kuadër të muajit kundër kancerit të gjirit, ndërtesa e Kuvendit të Kosovës është ndriçuar me ngjyrë rozë, në…

Posted by Vjosa R. Osmani on Monday, 5 October 2020