Në Durrësit sekuestrohen rreth 26 kg lëndë narkotike
Policia e Durrësit në kontrollet e bëra sot ka parandaluar një rast trafikimi narkotikësh. Në këtë rast janë arrestuar 3 persona për veprën “Trafikim I lëndëve narkotike kryer në bashkëpunim”. Bëhet e ditur se janë sekuestruar 26 kg lëndë narkotike e dyshuar e llojit mariuanë që ishin pështjellur në formë çokollate.
Në këtë aksion bashkë me Policin kufitare ka marrë pjesë edhe Seksioni për Hetimin e Narkotikëve të cilët në masat e shtuara për parandalimin e trafikimit dhe veprimtarive tjera kriminale në këtë rast kanë arrestuar shtetasit me inicialet S.D., 31 vjeç, S.S., 59 vjeç., dhe YK., 49 vjeç.
Një autobus është ndaluar dhe ka hyrë në kontrolle të detajuar në vijën e dytë I cili ka qenë duke kryer linjën Durrës-Itali. Gjatë kontrollit në një kovë me bulmet është gjetur një sasi me lëndë narkotike.
Për të kryer ekspertizat tjera janë njoftuar Specialistët për hetimin e narkotikëve në DVP Durrës , dhe pas kontrollit të detajuar është gjetur dhe janë sekuestruar 26kg lëndë narkotike mariuanë në formë çokollate.
Në fund të gjithë procesit hetimor dhe pas konfiskimit të lëndëve narkotike kanë përfunduar në pranga 2 shoferë të autobusit dhe menaxheri. Kurse si provë materiale u sekuestrua edhe 1 automjet dhe 6 aparate celular.
Për procedurë të mëtutjeshme të gjitha materialet janë dërguar në Prokurorinë e Rrethit Durrës./kp/