Barcelona bëri një zhgënjim të madh pasi u mposht nga Granada në “Camp Nou” si vendas. Ronald Koeman, përveç kësaj, u përjashtua pas golit të barazimit.

Një humbje e dhimbshme që trajneri holandez analizoi, pas ndeshjes.

“Është një goditje e rëndë, ne jemi të zhgënjyer, por nga nesër duhet të vazhdojmë përpara, të përpiqemi të fitojmë pesë ndeshjet e fundit për të qenë kampionë. Por nuk është vetëm për ne, është e njëjta gjë edhe për të tjerët.”, tha tekniku holandez.

Për Koeman, problemi i madh ishte mungesa e përqendrimit.

“Ne po flisnim në pjesën e parë për t’u përqendruar në mbrojtje, sepse ishte një lojë e komplikuar dhe mendoj se kishim një mungesë përqendrimi në mbrojtjen në pranimin e dy golave të tyre. Ne lamë hapësira që duhej t’i mbyllnim.”

Në lidhje me kartonin e kuq, Koeman tha: Unë nuk e kuptoj. Procesverbalet thonë se kisha mosrespekt ndaj zyrtarit të katërt, por unë nuk kam thënë asgjë të keqe në lidhje me gjyqtarin, kam komentuar lojën te zyrtari i katërt por me gjithë respekt. Unë nuk kam fyer ose diçka tjetër. Kartoni i kuq është i pabesueshëm. Nëse arbitri i katërt dëshiron të jetë protagonist, faleminderit.