​Pal Lekaj shkakton të qeshura në Kuvend, Konjufca: A bën pak pauzë?

Deputeti i Aleancës për Ardhmërinë e Kosovës, Pal Lekaj shkaktoi të qeshura në seancën e sotme të Kuvendit.

Duke komentuar rezolutën e LVV-së për rritjen e çmimit të produkteve, ai tha se njëjta “është një rezolutë e hiçit për hiçin te hiçi”.

“Po ju pyes zonja Mimoza Kusari, çka dëshironi të arrini me këtë rezolutë. Kjo është një rezolutë e hiçit, për hiçin te hiçi. Më besoni!”, tha Lekaj.

Pas kësaj, kryetari i Kuvendit, Glauk Konjufca, duke ironizuar kërkoi pak pauzë, pasi i duhet një reflektim pas një konstatimi të tillë.

“A bën pak pauzë Pal, se na duhet një reflektim për këtë”, tha Konjufca.

Artikuj të ngjashëm

Back to top button
close button