Dy persona mbi moshën 100-vjeçare sot janë vaksionuar kundër Covid-19 në Qendrën e Mjekësisë Familjare në Skenderaj.

Kjo u bë e ditur nga kryetari i Skenderajt Bekim Jashari përmes një postimi në Facebook.

Sipas Jasharit, mos hezitimi i tyre për t’u vaksinuar kundër COVID-19 është shembull për të tjerët, në mënyrë që në momentin kur të vijë radha e tyre për t’u vaksinuar të kryejnë këtë proces pa pasur dilema.

“Mantel-bardhët e QKMF-së janë duke bërë përpjekje maksimale që me kohë të japin informatat dhe shërbimet e nevojshme për pacientët e komunës sonë.
Të interesuarit mbi moshën 80 vjeçare për vaksinim mund të bëjnë regjistrimin në shërbimin e vaksinimit në QKMF, fizikisht apo edhe përmes numrit të telefonit 048414241, nga e hëna deri të premten, prej orës 08:00-14:00. Njëkohësisht kërkoj nga institucionet tona qendrore që të shtojnë angazhimin e tyre në sigurimin e dozave të reja të vaksinave antiCOVID-19”, ka shkruar Jashari në Facebook./21Media