Deputetët e Kuvendit të Kosovës do të tentojnë të hënën ta miratojnë buxhetin për vitin 2021.

Kjo pasi, me inicim të LDK-së dhe nënshkrim të mbi 40 deputetëve fillimin e javës së ardhshme pritet të mbahet seanca e jashtëzakonshme për aprovimin e Projektligjit për ndarjet buxhetore.

Këtë për KP e ka konfirmuar shefi i Grupit parlamentar të LDK-së, Arben Gashi, i cili tha se në rend të ditës së kësaj seance pritet të jenë edhe miratimi i disa marrëveshjeve ndërkombëtare që janë në procedurë.

Pas vendimit të Gjykatës Kushtuese për pavlefshmërinë e votës së deputetit Etem Arifi për zgjedhjen e Qeverisë Hoti dhe dërgimin e vendit në zgjedhje të reja, partitë parlamentare, me përjashtim të LVV-së kanë shprehur gatishmërinë për ta miratuar buxhetin për vitin 2021.