Ministrja e Financave Hykmete Bajrami, ka pritur sot në takim përfaqësuesit e Fondit të Kursimeve Pensionale të Kosovës, të udhëhequr nga kryesuesi i Bordit të Trustit Ruzhdi Morina dhe drejtori ekzekutiv Adrian Zalli.

Bajrami me këtë rast informoi bashkëbiseduesit e saj lidhur me punën e Ministrisë së Financave dhe Qeverisë së Kosovës në drejtim të rimëkëmbjes ekonomike të vendit, rishikimit të buxhetit dhe projekteve të ndryshme ekonomike.

Përfaqësuesit e Fondit të Kursimeve Pensionale nga ana e tyre shprehën gatishmërinë e tyre për bashkëpunim me Qeverinë e Kosovës në jetësimin e programit për rimëkëmbje ekonomike.