11 raste të dhunës në familje brenda 24 orëve, prijnë ato rastet e dhunës së burrave ndaj bashkëshorteve të tyre

Policia e Kosovës ka njoftuar se për 11 raste të dhunës në familje që janë raportuar brenda 24 orësh.

Në shumicën prej rasteve , konkretisht gjashtë prej tyre janë të raportuara nga gratë për ushtrim dhune psikqike, e fizike si dhe kërcënim që kanë marrë nga bashkëshortët përkatësisht ish bashkëshortët e tyre.
Fillimisht policia njofton se në Fushë Kosovë është arrestuar i dyshuari mashkull kosovar pasi që i njëjti pas një mosmarrëveshje kishte sulmuar fizikisht viktimën femër kosovare- bashkëshorten e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje.

“ Podujevë 16.04.2024, 14:40. Ankuesja femër kosovare, ka raportuar se bashkëshorti i saj i dyshuari mashkull kosovar në vazhdimësi është duke i shkaktuar dhunë psikike. Viktima nuk ka pranuar tretman mjekësor si dhe ka refuzuar urdhrin mbrojtës, ndërsa i dyshuari është arrestuar dhe pas intervistimit me vendim të prokurorit është dërguar në mbajtje.

“Podujevë 16.04.2024, 17:30. Ankuesja femër kosovare, ka raportuar se bashkëshorti i saj i dyshuari mashkull kosovar me të meta psikike e kishte sulmuar fizikisht. Viktima ka pranuar tretman mjekësor, ndërsa i dyshuari është ndaluar në repartin psikiatrik për tretman të mëtutjeshëm mjekësor. Rasti nën hetime.”, thuhet në njoftimin e policisë.

E në Prishtinë një grua ka raportuar se me 10 prill se ish bashkëshorti i saj i dyshuari mashkull kosovar i cili gjendet në vuajtje të dënimit e kishte kanosur përmes telefonit. Viktima ka pranuar tretman mjekësor pasi e njëjta ishte e shqetësuar.

“ Prishtinë 04.04.2024, 00:00. Ankuesja femër kosovare ka raportuar se bashkëshorti i saj i dyshuari mashkull kosovar në vazhdimësi është duke shkaktuar dhunë psikike ndaj saj. Viktima nuk ka pranuar tretman mjekësor. Lidhur me rastin është intervistuar i dyshuari, me vendim të prokurorit rasti në procedurë të rregullt.”, raportohet për një rast tjetër nga policia.

“Ferizaj 16.04.2024, 15:30. Ankuesja femër kosovare ka raportuar se bashkëshorti i saj i dyshuari mashkull kosovar i kishte telefonuar nga Gjermania dhe i kishte thënë se kur të vij në shtëpi mos të gjej aty. E njëjta ka kërkuar urdhër mbrojtës pasi ndjehet e rrezikuar nga i dyshuari. Pas intervistimit e njëjta është kthyer në shtëpinë e saj së bashku me prindin e bashkëshortit të saj.”, njofton policia.

Derisa në raste te tjera viktima të dhunës nga burrat kanë qenë nëna dhe famijarët e kurse në një rast në përleshje janë përfshirë vjehrri, nusja e kunata.

“ Fushë Kosovë 16.04.2024 19:46. Raportohet se pas një mosmarrëveshje të anëtarëve të familjes, një mashkull kosovar (vjehrri) dhe dy femra kosovare (nusja dhe kunata) ka ardhur deri te shtyrja në mes tyre me që rast të njëjtit kanë pësuar lëndime të lehta trupore. Me vendim të prokurorit pas intervistimit palët lirohen në procedurë të rregullt.

Kurse, në Ferizaj më 16.04.2024 rreth 21:50. Është arrestuar i dyshuari mashkull kosovar pasi që i njëjti nën ndikim te alkoolit 1.32 promilë ka shkaktuar dhunë psikike ndaj anëtarëve të familjes. Me vendim te prokurorit i dyshuari dërgohet në mbajtje.

“ Klinë 16.04.2024-10:45. Është arrestuar i dyshuari mashkull kosovar, pasi që i njëjti e kishte sulmuar fizikisht viktimën femër kosovare nënën e tij, duke i shkaktuar lëndime trupore. Viktima ka pranuar tretman mjekësor. Me vendim të prokurorit i dyshuari me të meta mendore sipas raportit të mjekut është dërguar në mbajtje.
Deçan 16.04.2024 20:00. Është arrestuar i dyshuari i mitur mashkull kosovar pasi që i njëjti si recidivist i veprës edhe sot kishte përdor dhunë fizike dhe psikike ndaj familjarëve të tij. Me vendim të prokurorit pas intervistimit i dyshuari dërgohet në mbajtje. “, thuhet në raportin e policisë./21Media