Arabia Saudite po pret deri në 200 mijë raste të koronavirusit

Arabia Saudite po pret deri në 200 mijë raste të koronavirusit

Deri në 150 anëtarë të familjes mbretërore saudite janë të infektuar me koronavirus, ndërkohë që mbreti Al-Saud dhe princi Mohamed bin Salman janë në izolim për të shmangur përhapjen e virusit.

Mjekët në Spitalin Special të Mbretit Faisal Specialist në Riad, që trajtojnë anëtarët e familjes mbretërore po përgatisin 500 shtretër të tjerë për një fluks të pritshëm të pacientëve.

Salman, 84-vjeç, është izoluar në një pallat pranë Jeddah, ndërsa princi i kurorës është zhvendosur në një vend të largët në brigjet e Detit të Kuq.

Numri i princave sauditë është me mijëra dhe shumë udhëtojnë shpesh në Evropë, prej nga janë sugjeruar të kthehen para se të preken me koronavirus. Familja mbretërore saudite vlerësohet të ketë rreth 15 mijë 000 anëtarë.

Princi saudit Faisal bin Bandar bin Abdulaziz Al Saud – guvernatori i kryeqytetit Riad i cili është në vitet e 70-ta – është në kujdes intensiv pas kontraktimit të virusit, sipas New York Times.

Vendi me rreth 33 milionë banorë ka raportuar 2 mijë e 932 raste dhe 41 vdekje.

Deri më tani, kryesisht anëtarët e degëve të ulëta të familjes mbretërore janë infektuar, tha një burim për NYT.

Arabia Saudite po pret deri në 200 mijë raste të koronavirusit brenda disa javësh, tha të martën ministri i Shëndetësisë i vendit, Tawfiq al-Rabiah.

Rabiah, i cili paralajmëroi mbretërinë të përballet me një “moment kritik” në luftën kundër virusit, tha që projektimi ishte i bazuar në katër studime nga ekspertë sauditë dhe ndërkombëtarë.

Disa qytete saudite përfshirë kryeqytetin Riad janë nën një shtetrrethimi 24-orësh të imponuar nga ministri i Brendshëm. Qytetet e shenjta të Mekës dhe Medinës janë mbyllur gjithashtu.

Autoritetet javën e kaluar u kërkuan myslimanëve që të shtyjnë përkohësisht përgatitjet për haxhin vjetor.

Rasti i parë në Arabi Saudite ishte një pacient i cili kohët e fundit kishte udhëtuar në Iran.