21 të vdekur nga rrëshqitja e dheut, dhjetëra ende të zhdukur

Ekipet e shpëtimit gjetën më shumë trupa të bllokuar nën tonelata baltë nga një rrëshqitje dheu në ishujt e largët Natuna të Indonezisë, duke e çuar numrin e të vdekurve në 21.
Rrëshqitja e dheut, e shkaktuar nga shirat e rrëmbyeshëm, rrëzoi kodrat përreth dhe bllokoi 30 shtëpi në fshatin Genting. Autoritetet kanë vendosur më shumë se 200 shpëtimtarë nga agjencia e kërkim-shpëtimit, policë e ushtarë për të kërkuar për 33 personat të cilët me sa duket kishin ngecur në shtëpitë e bllokuara.
Shefi i Agjencisë Kombëtare të Menaxhimit të Fatkeqësive ka njoftuar se tetë të tjerë u nxorën të gjallë me lëndime, tre prej të cilëve janë në gjendje kritike.
Në nëntor të vitit 2022, një rrëshqitje dheu e shkaktuar nga një tërmet me magnitudë 5.6 mori jetën e të paktën 335 njerëzve në qytetin Cianjur të Java-së Perëndimore, rreth një e treta e tyre fëmijë. /21Media