Sot janë testuar gjithsej 270 mostra të marra nga Klinika Infektive dhe gjurmimi i kontakteve të rasteve në terren.

IKSHPK-ja njoftoi se janë konfirmuar 23 raste të reja me koronavirus.

Rastet pozitive janë raste kontakti nga: Komuna e Ferizajit 16 raste (sipas vendbanimit: 11 raste Balaj dhe 5 raste Ferizaj), Komuna e Prizrenit 3 raste (sipas vendbanimit: 3 raste Randobravë), Komuna e Zubin Potokut 2 raste dhe me nga 1 rast vendbanimet: Vushtrri dhe Leposaviq.

Sot janë shëruar edhe 22 pacientë derisa numri i përgjithshëm i të shëruarve deri më sot është gjithsej 713 raste.

Nga data 08 shkurt deri më 16 maj 2020, sipas Institutit janë testuar gjithsej 11 mijë e 585 mostra të dyshimta në virusin SARS-CoV-2 dhe prej tyre pozitive rezultojnë gjithsej 978 raste, me gjithsej 29 raste të vdekjes të cilët kanë pasur sëmundje të tjera shoqëruese.

Në IKSHPK në vazhdimësi përgjatë 24 orëve janë duke u kontaktuar dhe mbikëqyrë të gjitha kontaktet e rasteve, si dhe kontaktet e kontakteve duke i obliguar për vetëizolim dhe të kërkojnë ndihmë mjekësore nëse kanë simptome.

Në nivel global, nga data 31 dhjetor 2019 deri më 16 maj 2020 sipas Worldometers, janë raportuar gjithsej 4 milionë e 685 mijë e883 raste të COVID-19 dhe 310 mijë e 801 raste të vdekjes.

Në fund, Instituti bëri thirrje që të respektohen masat e shpalluar të parandalimit nga ky institut dhe Ministria e Shëndetësisë.

“Qëndroni në shtëpi, kjo ua shpëton jetën!”, thuhet në njoftimin e IKSHPK-së./21Media