Valencia me numër të madh të të prekurve

Valencia me numër të madh të të prekurve

Në Spanjë është duke u rënduar gjendja për shkak të koronavirusit, i cili ka përfshirë pjesën më të madhe të këtij shteti dhe Evropës në përgjithësi. Në vendin iberik janë rreth 10 mijë persona të prekur nga ky virus, ndërsa 432 prej tyre raportohet se kanë ndërruar jetë.

Në këtë shtet është prekuar edhe futbolli, ndërsa skuadra me numrin më të madh të të prekurve është Valencia. Vet klubi ka dalë gjatë ditës së djeshme me një komunikatë, ku ka njoftuar se pas analizave të kryera 35% e lojtarëve dhe stafit janë me koronavirus. Të gjithë të prekurit po qëndrojnë në shtëpitë e tyre të izoluar.