Spektakli gjigant në garë për ikonën e bukurisë ”Miss shqiptarja në botë” ka filluar. Ky event organizohet nga “Gecjan Fashion Gruop”, RTV21 në Kosovë dhe TV21 në Maqedoni. Janë shtatë javë rresht spektakël ku do të garojnë më të bukurat e shqiptarisë, për të fituar kurorën e “Miss shqiptarja në botë”, shkruan portali rtv21.tv

Mbrëmë u mbajt nata e parë e spektaklit, ku pati shumë argëtim. E si në çdo garë ka fitues, megjithatë nga ky spektakël nuk mund të themi se do të dalin humbës, pasi që edhe ato vajza të cilat nuk arrijnë të kualifkohen për natën finale do t’i kenë dyert e hapura për modelizëm dhe përgjithësisht në fushën e modës. 

Mbrëmë konkurruan 11 vajza, prej tyre për në natën finale u kualifikuan shtatë” Evi Mera, Erisa Haxhiu, Alma Kurtaj, Adea Maka, Doruntina Jashari, Rimola Foniqi, Hafize Selmani. Prej që ka filluar konkursi për “Miss Shqiptarja në botë” në garë ishin 1200 nga të gjitha vendet e botës ku ka shqiptarë, por që në finale do të kualifikohen 30 prej tyre.

Çmimet që do të ndahen në ketë event janë: Miss Shqiptarja në botë 2020’’, ‘’Shoqëruesja e parë’’, ‘’Shoqëruesja e dytë’’, ‘’Modelja më e mirë shqitpare’’, ‘’Miss Sharmi”, ‘’Miss Diamond’’, ‘’Miss eleganca’’, ‘’Miss fotogjenia’’, ‘’Miss publiku’’, Miss intelegjenca’’, ‘’Miss buzëqeshja’’, ‘’Miss press’’, ‘’Miss social media’’ dhe ‘’Miss miqësia’’.

Andaj për të parë se kush do t’i gëzojë këta tituj kanë mbetur edhe gjashtë javë garë, spektakli transmetohet çdo të dielë në ora 21:00 në RTV21 Kosovë dhe TV 21 Maqedoni./21Media