A do të mund të shpëtohej foshnja në barkun e shtatzënës që u vra? Zejnullahu-Raçi refuzon të përgjigjet

Ushtruesja e detyrës së drejtoreshës së Shërbimit Spitalor, Klinik, Universitar të Kosovës (SHSUK), Pranvera Zejnullahu-Raçi, ka refuzuar të përgjigjet në pyetjet e gazetarëve lidhur me vrasjen e shtatzënës 35-vjeçare në oborrin e QKUK-së.

Pas mbledhjes së Komisionit për Shëndetësi dhe Mirëqenie Sociale, gazetarët e kanë pyetur Zejnullahu-Raçin nëse do të jap dorëheqje pas këtij rasti dhe nëse fëmija në barkun e shtatzënës së vrarë do të mund të shpëtohej, por ajo s’është përgjigjur.

E njëjta është larguar nga salla bashkë me deputeten Fatmire Mullhaxha-Kollçaku, e cila e kryeson këtë komision.

Ndryshe, një vrasje është kryer dje rreth orës 18:00, në oborrin e Qendrës Klinike dhe Universitare të Kosovës.

Viktima është një 35-vjeçare që ishte në javën e 41-të të shtatzanisë. Ajo është vrarë para objektit të Klinikës së Gjinekologjisë, ku kishte shkuar për të kryer lindjen.

I dyshuari për vrasje është Sokol Halili, me të cilin viktima ishte në prag të divorcit. Pas vrasjes, ai ka ikur dhe ende ndodhet në arrati.

Artikuj të ngjashëm

Shikoni Gjithashtu
Close
Back to top button
close button