Grupi Parlamentar i Aleancës për Ardhmërinë e Kosovës (AAK) ka bërë të ditur se do ta përkrahë kërkesën e kryetarit të Skënderajt, Bekim Jashari për rritjen e buxhetit të kësaj komune.

Këtë e ka bërë të ditur sot shefi i Grupit Parlamentar të AAK-së, Daut Haradinaj.

“Grupi Parlamentar i AAK-së do ta përkrahë kërkesën e Kryetarit të Skenderajt, Bekim Jashari, për amendamentin që ka te bëjë me rritjet buxhetore për këtë komunë”, ka shkruar ai në Facebook.

Ky amendament ka të bëjë me rritjen e buxhetit në komunën e Skenderajt, ku do të bëhet edhe vazhdimi i punimeve në objektin e dëshmorëve në Skënderaj.