Adriana mbushi 40 vjet

Adriana mbushi 40 vjet

Aktorja e suksesshme shqiptare, Adriana Matoshi, feston sot ditëlindjen dhe me këtë ajo pranoi urime të shumta nga kolegët, miqtë e fansat, shkruan rtv21.tv

Në këtë ditë të veçantë, Adriana ka publikuar në rrjetin social Instagram një fotografi në të cilën duket tërheqëse e veshur në të zezë.

Krahas fotos, aktorja e cila sot mbushi 40 vjet ka lënë një mbishkrim domethënës.

“Lëri
të t’gjykojnë, e dashur.
Lëri t’keqkuptojnë.
Lëri t’ikin.
Lëri të zgjedhin.
Lëri të flasin për ty.
Të belbëzojnë për atë që nuk je.
Të çmenden për atë që je.
Lëri të ecin përballë teje e të mos e kthejnë kokën.
Lëri të t’shohin e të mos prekin bukurinë tënde.
Lëri të t’kenë zili. Të të duan. Të admirojnë.
Pastaj të t’lëshojnë poshtë. Të shkojnë sërish.
Lëri përballë teje. Shko. Godit. Shtyj me bërryla. Lagu nën shi. Lëre erën të t’peshkojë ëndrrat. Puth. Dashuro. Fal. Rindërtohu. Ti je e fortë. Nuk të mposht asgjë ty. Mos ndrysho. Njerëzit e gabuar do të t’ndëshkojnë për atë që je. Të duhurit do të dashurojnë. Askush s’mund të jetë ti. Magjia jote nuk mund t’i mahnisë të gjithë. Disa do ta xhelozojnë. Andaj, ec drejt me perfekten dhe joperfekten tënde. Bëhu vetvetja. Rritu. Zgjidh ata që bëjnë gjithçka për ty. Zgjidh ata që e kërkojnë me ngulm praninë tënde, dhe jo ata që në mungesën tënde gjejnë justifikime. Zgjidh njerëzit që s’kanë frikë nga mrekullia jote. Zgjidh njerëzit që nuk thonë se të duan, por që e tregojnë atë në sy të botës. Pa asnjë frikë. Askush nuk do mund të jetë paqja e shpirtit tënd, nëse ti s’mund të gjesh vetveten në paqe me atë që ti je. Ndaj bëj një lëng portokalli. Fshiji sytë. Qëndro rebele. Rritu….dashurohu sërish…me vehten. Me çmendurinë e një sekondi… Me vallëzimet e tua nën shi. Me vështrimin tënd nevrik, atëherë kur bota nuk të pret”, ka shkruar Adriana Matoshi.

Matoshi njihet për role të shumta në projekte filmike si dhe në serialin vendor “O sa mirë”./21Media