Aksident me fatalitet në Lipjan
Një aksident me fatalitet ka ndodhur sot në Lipjan më 22.04.2024, si pasojë e të cilit ka vdekur një 71-vjeçar.
Për portalin rtv21.tv lajmin e ka konfirmuar zëdhënësi i Policisë së Kosovës, Agron Borovci, i cili tha se aksidenti ka ndodhur mes një veture dhe një kamioni në rrugën “Ibrahim Rugova”.
“Rreth orës 14:00, është pranuar informata për një aksident trafiku rrugor të ndodhur në rrugën “Ibrahim Rugova” në Lipjan. Nga informatat e para është bërë e ditur se në aksident janë përfshirë një veturë dhe një kamion dhe për pasojë një person, mashkull, 71 vjeç, ka humbur jetën” – ka thënë Borovci.