Aksident në rrugën Mitrovicë – Prishtinë, pesë të lënduar

Pesë persona kanë mbetur të lënduar si pasojë e një aksidenti që ka ndodhur mes dy automjeteve në rrugën  Mitrovicë -Prishtinë.

Për rtv21.tv këtë e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti ka treguar se me rastin po merret hetuesia nga njësiti i trafikut rrugor.

“Sot rreth orës 12:40 kemi pranuar informatën se në rrugën  Mitrovicë -Prishtinë ka ndodhur një aksident trafiku. Në këtë aksident kanë qenë të përfshira dy automjete. Si pasojë e aksidentit lëndime  trupore kanë pësuar pesë persona. Me rastin po merret hetuesia nga njësiti i trafikut rrugor”, ka thënë Ahmeti./21Media