Një 34 vjeçar me inicialet V.L, është arrestuar pasi dyshohet se gjatë muajit dhjetor ka vjedhur tri veturave në Pejë dhe Klinë.

Sipas policisë në Pejë, më 18 dhjetor, është raportuar për një veturë të vjedhur e tipit Shkoda – Fabia, e cila ishte e parkuar në rrugën “Mbreteresha Teutë”, në Pejë dhe në pronësi të një biznesi. Ndërsa, dje në orët e hershme te mëngjesit e njëjta veturë është ndaluar nga patrulla policore e Stacionit Policor Malishevë dhe pas verifikimeve të nevojshme ka rezultuar si veturë e vjedhur një nate më herët në Pejë.

“V.L. i lindur me 02.07.1986 i dyshimtë për vjedhjen e veturës është arrestuar dhe me urdhër të Prokurorit i është caktuar masa e ndalimit prej 48 orëve, ndërsa vetura i është kthyer pronarit. Ky person ka qenë i dyshimtë edhe për 2 vjedhje të tjera të veturave më datën 09.12.2020 me ç’rast kishte vjedhur një veturë në Pejë, VW-CADY e cila ishte hasur nga Policia në Fushë Kosovë dhe në të njëjtën formë i ishte kthyer pronarit. E po ashtu edhe më 15.12.2020 në Klinë ku vetura e vjedhur ishte hasur nga patrullat Policore të Gjakovës dhe i është kthyer pronarit legjitim”, thuhet në njoftim.

Rasti është proceduar me kallëzim penal në Prokruroin Themelore në Pejë./21Media