Dje në Prizren është arrestuar një person i cili ishte paraqitur si polic dhe ka shkuar disa herë në një qendër bamirësie dhe ka kërkuar respektim të masave anti-Covid.

“Me datën 22 dhjetor 2020, policia në Prizren ka pranuar një informacion se një person i dyshimtë që disa herë viziton një qendër bamirësie në Prizren me pretekstin se është person zyrtarë dhe kërkon respektimin e masave anticovid-19. Në këtë rast i dyshimti prezantohet si person zyrtar në cilësinë e policit. Punëtorët e kësaj qendre duke dyshuar se ky person nuk është polic të njëjtin e raportojnë dhe gjatë verifikimit nga njësia e hetimeve rajonale, është konstatuar së ky person është prezantuar rrejshëm”, ka njoftuar Policia përmes një komunikate.

Tutje në komunikatë thuhet se i dyshimti tashmë S.D i lindur në vitin 1973, mbante në brez një armë (Pistoletë) me këllëf, por e cila më vonë është vërtetuar se ishte lodër e plastikes, pra nuk ishte armë e vërtetë. I dyshuari paraprakisht  edhe para dy muajve e kishte kryer të njëjtin veprim.

“I dyshuari është shoqëruar  në polici nga Sektori Rajonal i Hetimeve në Prizren ku edhe është intervistuar, gjithashtu i është sekuestruar edhe pistoleta e plastikës me mbishkrimin ‘’DESERT EAGLE PISTOL’’”, thuhet në komunikatë.

Pas konsultimit me Prokurorin e Shtetit rasti do të vazhdoj në procedurë të rregullt hetimore./21Media