Personi i dyshuar pas intervistimit është dërguar në mbajtje 48 orë

Personi i dyshuar pas intervistimit është dërguar në mbajtje 48 orë

Policia e Kosovës ka njoftuar se ka arrestuar një person të dyshuar i cili ka kërcënuar presidentin e Kosovës, Hashim Thaçi, përmes rrjeteve sociale.

“Policia e Kosovës, Drejtoria për Hetimin e Krimeve të Rënda e PK-së, pas pranimit të një informacioni se përmes rrjeteve sociale është kërcënuar Presidenti i Republikës së Kosovës, me datën 26.03.2020 zyrtarët policor në bashkëpunim me organet e drejtësisë kanë ndërmarr veprimet e menjëhershme hetimore. Hetuesit policor, kanë arritur të identifikojnë personin e dyshuar (K.P. 1980) dhe vendbanimin e tij, me ç‘rast kanë kontrolluar shtëpinë dhe objektet përcjellëse të cilat gjendeshin në rajonin e Mitrovicës”, thuhet në njoftimin e Policisë.

Me vendim të prokurorit kompetent personi i dyshuar pas intervistimit është dërguar në mbajtje 48 orë./21Media