Tetë gola ndaj skuadrës boshnjake

Tetë gola ndaj skuadrës boshnjake

Atalanta e Etrit Berishës arriti të kualifikohet për në raundin e tretë eliminator të Europa Leagues, pasi lëshoi një “shi golash” në Sarajevë.

Sfida e parë në Bergamo kishte përfunduar 2-2, për në sfidën e kthimit, Atalanta arriti të fitojë me rezultatin e thellë 0-8 ndaj skuadrës boshnjake, Sarajeva.

Dy herë Palomino, dy herë Papu Gomez dhe Masiello shënuan në pjesën e parë për zikaltrit, ndërsa i riu Barrow shënoi një tripletë në 45-minutëshin e dytë, duke çuar rezultatin në 0-8. Sa i përket Etrit Berishës, përtej zërave mediatikë që e lidhin me një transferim në Francë, portieri kuqezi luajti për 90 minuta, duke ruajtur të paprekur portën e tij në 2-3 raste të vendasve.