“Aureola e Mikullovcit prej aktori dhe regjisori do të ngelet thesar kulturor për Teatrin Kombëtar”

Me rastin e ndarjes nga jeta të aktorit Adem Mikullovci, Teatri Kombëtar i Kosovës, ka shprehur mirënjohje për kontributin e tij dhënë skenës dhe aktrimit.

“Teatri Kombëtar i Kosovës, shpreh mirënjohje të thellë për kontributin e tij, për dashurinë e madhe që ai e kishte…Aureola e tij prej aktori dhe regjisori do të ngelet thesar kulturor për Teatrin Kombëtar në veçanti, për filmin dhe për kulturën kosovare në përgjithësi.”, thuhet  ndër tjerash në përkujtimin e Teatrit.

Po ashtu vlerësohet lart edhe kontributi i tij në vitet e 90-ta si dhe për edukimin e brezave të rinj në fushën e aktrimit.

Duke publikuar biografinë e aktorit si dhe veprat e tij artistike, Teatri Kombëtar ka shprehur ngushëllime vdekjen e këtij aktori të madh të skenës shqiptare./21Media