BE: Vendet e Ballkanit Perëndimor mund t’i bashkohen platformës së përbashkët për prokurimin e energjisë

Komisioni Evropian do të zhvillojë një Mekanizëm Solidariteti dhe Kompensimi për të reduktuar ndikimin e rritjes së madhe të energjisë dhe energjisë elektrike në ekonomitë dhe familjet e vendeve anëtare të BE-së dhe për të siguruar përfshirjen e Ballkanit Perëndimor në një “platformë të përbashkët për gazin dhe naftën”.
Një mundësi e tillë do t’i jepet Ukrainës, Gjeorgjisë dhe Moldavisë, kanë vendosur krerët e shteteve apo qeverive të BE-së në seancën e sotme në Bruksel.
Udhëheqësit e BE-së theksuan se kjo është një pjesë integrale e një qëllimi kyç për të reduktuar ndjeshëm varësinë nga furnizimet e gazit dhe naftës ruse në Bashkimin Evropian, me investime të mëdha urgjente në zhvillimin e “burimeve të tjera të energjisë së gjelbër”, duke përfshirë hidrogjenin dhe erën.
BE dhe Shtetet e Bashkuara njoftuan gjithashtu sot, se do të punojnë së bashku për të përmirësuar furnizimet me energji, duke përfshirë një rritje të konsiderueshme të furnizimit me gaz natyror të lëngshëm amerikan për Bashkimin.
Komisioni Evropian është udhëzuar të propozojë masa të tjera për të kursyer energjinë dhe energjinë elektrike dhe shtetet anëtare të Bashkimit që do të mund të ndikojnë në uljen e çmimeve të gazit, naftës dhe energjisë elektrike të konsumuar përmes taksave dhe masave të tjera, si kuponët për familjet dhe industrinë.
Gjithashtu do të merren masa për lidhje dukshëm më të mirë të rrjeteve të furnizimit me energji dhe energji elektrike ndërmjet anëtarëve të Unionit dhe u theksua veçanërisht se deri në mes të verës të gjitha depot e gazit dhe naftës në Union duhet të mbushen plotësisht me rezerva të këtyre burimeve energjetike. /21Media