Bllokohet për qarkullim rruga “Don Shtjefën Kurti” në Prishtinë

Komuna e Prishtinës ka njoftuar se rruga “Don Shtjefën Kurti” në Prishtinë është bllokuar për qarkullim pasi u shemb sot plotësisht si pasojë e rrëshqitjes së dheut.

Komuna ju bën thirrje qytetarëve që të shmangin këtë segment dhe të ndjekin udhëzimet e autoriteteve në terren.

Njoftimi i plotë:

 Njoftim për qytetarët

Te dashur qytetarë,

Ju njoftojmë se rruga “Don Shtjefën Kurti” në Prishtinë është shembur plotësisht si pasojë e rrëshqitjes së dheut.
Ekipet e Drejtorisë për Siguri dhe Emergjenca, Inspekcionit, KEDS, Ujësjellësit dhe Policisë ndodhen në vendin e ngjarjes dhe kanë ndërmarrë të gjitha masat e nevojshme për sigurimin e zonës dhe parandalimin e rrezikut për qytetarët.

 Rruga është e bllokuar për qarkullim. Lusim qytetarët që të shmangin këtë segment dhe të ndjekin udhëzimet e autoriteteve në terren.

Për çdo informacion shtesë, do të njoftoheni me kohë.