Britney Spears flet për divorcin: Do të doja të tregoja emocionet dhe lotët e mi
Britney Spears ka folur për herë të parë që kur bashkëshorti i saj Sam Asghari njoftoi për ndarjen e tyre, duke thënë se “nuk mund ta duronte më dhimbjen”.
Asghari, 29 vjeç, përmendi “dallimet e papajtueshme” në një kërkesë divorci të paraqitur në Los Anxhelos të mërkurën.
Spears, 41 vjeç, tha se ishte “pak e tronditur” që lidhja e saj gjashtëvjeçare me Asghari kishte marrë fund, transmeton rtv21.tv
Duke diskutuar ndarjen e tyre në një postim në Instagram, artistja shkroi: “Nuk jam këtu për të shpjeguar pse, sepse sinqerisht nuk është punë e askujt”.
“Do të doja të tregoja emocionet dhe lotët e mi se si ndihem vërtet, por për disa arsye më është dashur gjithmonë të fsheh dobësitë e mia.”
Spears tha se ajo do të ishte “aq e fortë sa mundem” dhe ajo “në fakt po bënte shumë mirë”.
Asghari i propozoi Spears në shtëpinë e tyre në shtator 2021.
Ndërsa ishin fejuar, dyshja njoftuan se po prisnin fëmijën e tyre të parë së bashku, por më vonë thanë se kishte pasur një abort.
Dasma e tyre, në shtëpinë e superyllit në Thousand Oaks, Kaliforni, ishte një aferë intime dhe luksoze ku morën pjesë njerëz të famshëm duke përfshirë Paris Hilton, Madonna dhe Drew Barrymore./21Media
