Bujar Osmani do të kërkojë në Qeveri që të shqyrtohet pjesëmarrja e RMV-së në Open Ballkan

Bujar Osmani ka bërë të ditur se ne një seancë të mbyllur të Qeverisë, do ta informojë këtë të fundit për sulmin në Banjskë të Kosovës dhe të shqyrtohet pjesëmarrja e RMV-së në Open Ballkan, transmeton TV21.

Osmani tha se ka informacione se Serbia është e përfshirë direkt në sulmin në Banjskë ku tha se ka thyer shtyllat bazë të inicativës së Open Ballkan dhe shtoi se pas sulmit, nuk ka marrë pjesë në aktivitetet e kësaj nisme

“Kur ndodhi sulmi në Banjskë të Kosovës, unë pata një deklaratë ku thash se kjo shkon në kundërshtim të idesë bazë të iniciativës, sepse ideja bazë ishte paqja. Nëse ka përzierje direkte të Beogradit në Banjskë, atëherë duhet të shqyrtohet sepse i thyen shtyllat e idesë bazë. Meqë tani kam më shumë informacione se çfarë ka ndodhur në Banjskë, planifikoj që në seancë të mbyllur në Qeveri ta informoj Qeverinë dhe Qeveria do të vendos se si do të veprojë. Pas Banjskës, unë nuk kam marrë pjesë në aktivitetet e “Ballkanit të Hapur”, tha Osmani.