Certifikohen rezultatet e zgjedhjeve të 7 qershorit

Komisioni Qendror i Zgjedhjeve ka certifikuar rezultatet e zgjedhjeve të 7 qershorit.

Me nëntë vota për, KQZ e kaloi këtë pikë të rendit të ditës.

Kryetari i KQZ-së, Kreshnik Radoniqi, tha se nga vendimet e fundit që i kanë pranuar nga Gjykata Supreme s’ka pasë “ndonjë obligim” për KQZ-në meqë të gjitha ankesat janë refuzuar dhe është hapur rruga për certifikimin e rezultatit.

Rezultati i partive:

​KQZ-ja certifikon sot rezultatet e zgjedhjeve të 7 qershorit

Komisioni Qendror i Zgjedhjeve sot certifikon rezultatet përfundimtare të zgjedhjeve të 7 qershorit.

Mbledhja e KQZ-së është thirrur të mbahet prej orës 11:00. Kështu bëri të ditur zëdhënësi i KQZ-së, Valmir Elezi, i cili tha se mbledhja është thirrur për të mërkurën pas vendosjes së Gjykatës Supreme për ankesat e paraqitura në këtë institucion.

“Ju njoftoj se të mërkurën (8 korrik 2026, ora 11:00) Komisioni Qendror i Zgjedhjeve do të mbajë mbledhjen e radhës. Në rend dite është certifikimi i rezultateve përfundimtare të zgjedhjeve të parakohshme për Kuvendin e Republikës së Kosovës, të cilat janë mbajtur më 7 qershor. Mbledhja është caktuar pas vendosjes nga Gjykata Supreme për ankesat e paraqitura në këtë institucion”, tha Elezi për KosovaPress.

Gjykata Supreme këtë të marte i ka hedhur poshtë pesë ankesat që ishte duke i trajtuar në lidhje me rezultatin përfundimtar të zgjedhjeve të 7 qershorit.

Nga rezultatet përfunimdtare që i pati shpallur KQZ-ja, VV ka marrë 47.13%, PDK 19.44%, LDK 16.69% dhe AAK 6.74%.