Në kuadër të vizitës së saj zyrtare ne Bruksel, u.d e presidentes Vjosa Osmani zhvilloi takim edhe me presidentin e parlamentit evropian David Sassoli. Ky i fundit pas takimit me Osmanin përmes një statusi në Twitter tha se luftimi i korrupsionit dhe krimit të organizuar do ta çonte Kosovën më pranë BE-së.

“Faleminderit Vjosa Osmani MP për këtë shkëmbim interesant! Të gëzuar duke parë që Kosova mbetet në rrugën e reformës, e cila do të çojë në një të ardhme më të prosperuar. Luftimi i krimit dhe korrupsionit do t’ju sjellë më pranë BE dhe do të përmirësojë jetën e të gjithë qytetarëve. BE është këtu për të mbështetur”, shkroi ai.

Lidhur me takimin u deklarua edhe Osmani.

“Faleminderit president Sassoli për një takim shumë produktiv. Angazhimi i theksuar i Flamurit të Kosovës për të kryer të gjitha reformat e nevojshme të cilat jo vetëm që do të përshpejtojnë integrimin e Flamurit të Bashkimit Evropian, por gjithashtu do të përmirësojnë jetën e Flamurit të Qytetarëve të Kosovës. Theksoi se drejtësia duhet të shërbehet për paqe të qëndrueshme në BB”, shkroi ajo.

Osmani sot u takua edhe me presidenten e senatit të Belgjikës Stephanie D’Hose dhe kryetaren e Dhomës së Përfaqësuesve, Éliane Tillieux./21Media