Ish-zëdhënësi i UÇK-së Jakup Krasniqi sot për herë të parë ka dalë para Dhomave të Specializuara në Hagë. Gjatë fjalimit të Krasniqit në Hagë, kanë reaguar familjarët e tij  përmes një postimi në Facebook.

Reagimi i familjes erdhi nga djali i vëllaut Ariani, i cili në Facebook shkroi se heronjtë lindin cdoherë nga padrejtësitë. “Edhe buzë viteve 70-ta të pamjaftueshme janë ato që të ruaj e mbajë kurrizin drejtë”, ka shkruar ai në Facebook.

Heronjet lindin cdohere nga padrejtesite, e kush me shume se baci Jakup u perballe me to!? Edhe buze viteve 70’a te pamjaftueshme jane ato qe te ruaj e mbaje kurrizin drejt.

Posted by Arian Krasniqi on Monday, November 9, 2020

Krasniqi para gjykatësit të procedurës paraprake në Dhomat e Specializuara në Hagë është deklaruar i pafajshëm.

RTV21 sot ka qenë në shtëpinë e familjes Krasniqi por, përveç telefonave ata kishin mbyllur edhe derën e shtëpisë gjatë kohës sa Krasniqi ishte duke u marrë në pyetje në Hagë. /21Media