Dështon votimi i Projektligjit për Rimëkëmbjen Ekonomike

 

 

 

 

Sërish është bartur në seancë të re Projektligji për Rimëkëmbje Ekonomike, pasi vetëm 41 deputetë morën pjesë në votim.

Projektligji për Rimëkëmbjen Ekonomike kishte dështuar të votohej edhe në seancën e fundit të sesionit pranveror.

Në vazhdimin e seancës plenare kryetarja e Kuvendit të Kosovës, Vjosa Osmani duke lëvduar punën e deputetëve ka fajësuar sërish Qeverinë e Kosovës se nuk ka sjellë projektligjet në Kuvend për miratim.

Në seancën e parë të sesionit vjeshtor është hedhur në votim Propozim-Rezoluta lidhur me menaxhimin e Pandemisë COVID-19, të propozuar nga GP i LVV-së, nuk ka kaluar në kuvend.

“E kam për detyrë dhe në emrin tuaj që sërish t’i refuzoj propagandat se deputet e kuvendit të Kosovës nuk e kanë kryer punën e tyre. Nga 120 ligjet që trumbetoheshin që kinse deputetët nuk i kanë trajtuar në faklt nuk kanë ardhur në kuvendin e Kosovës, sepse nuk i ka sjellë qeveria e Kosovës”, ka thënë ajo.

Kuvendi po vazhdon votimin e për pikat e papërfunduara nga seanca plenare e mbajtur më 13, 14, 23 korrik dhe 7 gusht 2020.

Po ashtu me 28 për dhe 52 kundër dhe një abestim nuk ka kaluar as Propozim-rezoluta nga debati parlamentar për situatën financiare të Telekomit të Kosovës, pas lejimit të përmbarimit të Vendimit Përfundimtar OEN nr. 20990/MHM, të Gjykatës Ndërkombëtare të Arbitrazhit pranë Dhomës së Tregtisë dhe Industrisë në Paris, të propozuar nga GP i LVV-së.