Dhjetëra të vrarë në sulmin izraelit në Gaza

Agjencia e Mbrojtjes Civile e Gazës e kontrolluar nga Hamasi thotë se dhjetëra njerëz janë vrarë në një sulm ajror izraelit në një shkollë që shërbente si strehimore në Gaza.

Ushtria izraelite tha se kishte goditur vendndodhjen të shtunën, duke e përshkruar objektivin e saj si një qendër komanduese të Hamasit.

Sipas agjencisë, sulmi në distriktin Daraj la të vrarë të paktën 90 persona, raportoi BBC.

“Numri i të vdekurve është mes 90-100 dhe janë dhjetëra të lënduar. Tri raketa izraelite e goditën shkollën që po strehonte palestinezët e zhvendosur”, thanë nga agjencia.

Ushtria e Izraelit tha se kishte “goditur saktësisht terroristët e Hamasit që vepronin brenda një qendre komandimi dhe kontrolli të Hamasit në shkollën Al-Taba’een”.