Digjet shtëpia, zhduket një vajzë
Në Dibër është zhdukur një vajzë
Policia e Dibrës është vënë në kërkim të një 17 vjeçareje, e cila gjendej e vetme në një shtëpi, që mori flakë, në fshatin Guri i zi, të njësisë administrative Arras.
Banesa i përket shtetasit G.T, dhe si pasojë e zjarrit banesa është djegur plotësisht, ndërsa vajza e të zotit të banesës, shtetasja O.T, rreth 17 vjeçe, sipas deklarimeve të komshinjëve në momentin që banesa ka marrë flakë është larguar e friksuar dhe është fshehur.
Prindërit e saj nuk ndodheshin në fshat, në momentin që u dogj shtëpia. Sipas policisë zjarrfikësit me ndihmën e banorëve izoluan flakët, por shtëpia është djegur plotësisht dhe vajza 17 vjeçare e familjes e cila sipas dëshmive ishte e trembur, është zhdukur.
Shkak për rënien e zjarrit dyshohet të jetë një shkëndijë elektrike. Policia dhe grupi hetimor ndodhen në vendngjarje dhe po zhvillojnë kontrollin përreth zonës për gjetjen e 17 vjeçares dhe hetimin për zbardhjen e ngjarjes.