Rregullatori shëndetësor i Kanadasë ka aprovuar vaksinën Pfizer-BioNTech Covid-19, disa ditë pasi Britania e Madhe u bë vendi i parë në botë që e bëri këtë.

Health Canada e quajti autorizimin si një “moment historik” në luftën e vendit kundër koronavirusit.

Agjencia tha se vaksina plotësoi “kërkesat e saj të rrepta të sigurisë, efikasitetit dhe cilësisë”.

Kanada ka vendosur të marrë deri në 249,000 doza të vaksinës këtë muaj, raporton agjencia e lajmeve AP.

Në total, qeveria Kanadeze ka blerë 20 milionë doza të vaksinës – të mjaftueshme për të inokuluar 10 milionë njerëz – me mundësinë për të blerë 56 milionë më shumë.

Këtë javë, një 90 vjecare në Mbretërinë e Bashkuar ishte personi i parë në botë që iu dha vaksina si pjesë e një programi vaksinimi masiv.

Rregullatorët amerikanë kanë konfirmuar se vaksina është 95% efektive, duke hapur rrugën që ajo të aprovohet për përdorim emergjent atje. Administrata e Ushqimit dhe Barnave (FDA) ka vendosur të takohet të enjten për të marrë një vendim zyrtar./21Media