Dyshohen për organizim i skemave piramidale dhe bixhozit të paligjshëm

Dyshohen për organizim i skemave piramidale dhe bixhozit të paligjshëm

Policia e Kosovës, konkretisht Stacionit Policor në Pejë, mbrëmë rreth orës 21:55 në rrugën “Bill Klinton” në Pejë ka zhvilluar një operacion me urdhëresë të Gjykatës Themelore Pejë, me pjesëmarrjen e njësiteve relevante të PK-ës, pasi që dyshohej se në Qendrën zejtare në Pejë zhvillohej veprimtari e paligjshme bixhozi.

Policia është futur në lokal dhe aty janë hasur dhjetë persona të dyshuar brenda duke luajtur bixhoz, me ç’rast edhe nuk kishin respektuar urdhëresën nga Qeveria për masa mbrojtëse ndaj koronavirusit.

Në vendin e ngjarjes nga hetuesit janë gjetur prova dhe dëshmi të mjaftueshme (para dhe gjësende tjera) në lidhje me veprën.

Sipas një komunikate për media, vendit të ngjarjes ju kanë përgjigjur edhe inspektorët komunal të cilët kanë mbyllur lokalin.

Te gjithë të arrestuarit, H.K.(1980); R.B.(1977); B.U.(1966); S.K.(1953); C.L.(1976); M.T.(1972); I.B.(1973); B.G.(1961); H.R.(1973); S.K.(1976) janë shoqëruar në stacion policor Pejë dhe pas intervistimit nga hetuesit, me vendim të Prokurorit përkatës i dyshuari i parë, (pronari i lokalit pa emër) ndalohet në Qendrën e mbajtjes, ndërsa të dyshuarit tjerë lirohen në procedure të rregullt për të vazhduar me procedura të mëtutjeshme ligjore./21Media