Për rreshtimin e Serbisë përkrah Rusisë në konfliktin me Ukrainën, ka reaguar eurodeputetja gjermane, Viola Von Cramon.

Von Cramon me anë të një postimi në “Twitter”, ka pyetur se si është e mundur të ndodhë një gjë e tillë, kur dihen qëndrimet e shteteve të tjera të Ballkanit.

Ajo ka vënë në pikëpyetje seriozitetin e shtetit serb në rrugën e tij drejt BE-së.

“Dhe Serbia e bëri prapë: rreshtohet përkrah Rusisë në çështjen me Ukrainën. Pse? A është kjo rruga drejt BE-së? Përderisa dihen qëndrimet e shteteve tjera të Ballkanit Përendimor”, ka shkruar ajo.