Ministri i Shëndetësisë, Armend Zemaj, është takuar me gjeneralin e FSK-së, Rrahman Rama ku është biseduar rreth gatishmërisë së ushtrisë për të ndihmuar në masat për parandalimin e pandemisë Covid-19.

Gjenerali Rama sqaroi se FSK-ja ka kapacitete mjekësore e logjistike për t’u përballur me çfarëdo situatë.

Në kuadër të Forcës së Sigurisë së Kosovës është vënë në gjendje gatishmërie “Batalioni i Mjekësisë”, që mund të vihet plotësisht në shërbim të qytetarëve të Kosovës.

“E falënderova gjeneral Ramën për bashkëpunimin e shkëlqyer, gatishmërinë e tij dhe FSK-së dhe ndihmën që po ofrohet në betejën kundër virusit. Ndër të tjera konfirmova se Ministria e Shëndetësisë do të përkrah FSK-në në fuqizimin e personelit shëndetësor dhe me pajisje medicinale. Me ushtarët tanë, vajzat e djemtë FSK-së dhe së bashku me të gjithë qytetarët do të triumfojmë në luftën me pandeminë”, shkroi Zemaj në llogarinë e tij “Facebook”./21Media